客。觀

三十九區區議會——實踐敢玩敢試叛逆精神既中大人

今日應該係三十九區區議會名震四方既一日,皆因一張Banner

掃一掃share左人講咩先,一定好多人讚有創意啦我心諗。咦?做咩咁多人鬧既?三十九區區議會明明係今年初第一班夠膽整banner惡搞二號校巴議題既秘密組織黎架喎。原來鬧既都唔係時任既中大學生,大多都係街外人或者畢業已久又無留意校園動向既校友。一見到標題就即刻大大力插,其實未了解中大校內流行文化既可唔可以唔好亂咁評論呢?下款「宝安县三十九区人民政府烈士致敬」,是為三十九區區議會之戲言,為何居然有如此多真心膠睇都唔睇就矛頭直指大陸人落黎撒野呢?

現時市面上有好多政治相關既創作,都係較直白同埋怨氣濃厚,成為左一股好負面既主流,對於政治冷感既人黎講,其實好需要一尐比較輕鬆同埋正面既切入點比佢地開始接觸政治,就好似今次依塊banner,明顯係為左比一眾新生可以響剛進中大既興奮心情之中留下深刻既印象。喂,邊個會想依個時侯比人掃興先?有中大學生會(大大個booth)、中大學生報(本迎新特刊厚到可以打用黎死老鼠)、中大左翼學會(大家記住佢地唔係經註冊學會)、中大性/別關注組(性小眾、宿舍性別政策)等等做認真議題切入點仲唔夠?Come on,輕鬆下根本唔會死。唔苦中作樂,點樣堅持下去?

再者中大人一向思維前衛,勇於擔大旗走最前,從學運可見一斑。學生自發既組織力、敢玩敢試既叛逆精神加上各種特長,中大既學生活動一向都係多姿多采。對於較直白同埋怨氣濃厚既主流,三十九區區議會敢用惡搞同無名氏既形式去參與各項校政,實在一種新嘗試,係對社會參與方式既一種衝擊。同學唔再倚賴學生會,係一個師生共治既公民社會既好開始,根本係值得表揚,但反而被一班與校政無干既人亂用為攻擊大陸人既工具,實在可惜。

常言道,Internet,  as an media, has low credibility and reliability. 如果作為網路寫手或者page admin,不論咩立場都好,品質審查都係必需,如果未清楚事實真相就先打五十大板,係唔係只會令你個人誠信降低呢?咁樣對日後你既論述宣揚一定係無益甚至有害,咁點解仲會咁衝動,我真係百思不得其解?有部份博客如果可以專業番少少就唔會比人諷刺未到correspondent既境界。(我係承認自己無咩真材實料的。)暇後,諗清楚自己有無做錯,有就同三十九區區議會道歉啦。

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s