賭。博, 客。觀

其實有得做腦殘粉絲都幾好

人去到某個年紀就再無咁多時間心力去貪圖咁多種「興趣」。

(屌咩,老老實實多起上黎真係可以叫興趣咩?好多仆街係自以為鐘意好多野,交遊廣闊,識好多朋友、左右逢源咁。結果,應承完又唔做,遲早都係做過街老鼠。)
屌,又離題。

番黎正題,咁多野揀,揀到就梗係最好。有唔少人好彩,好早就搵到自己鍾意既野,最好就係社會主流野,依家既就坤哥啊、TWICE啊,揀中就食老本(係啊屌你地食老本啊吹啊)都可以順風順水,識到唔少朋友、過個快活而無憂既青春。

另外揀中染谷將太、MARVEL、誇張既起上黎馬克思咁響潮流尖端、尖到吉死人既,中學就駐定比人標籤、無乜朋友、番親學都唔開心。當然老本都唔食得幾耐,讀完書出黎做野,如果都仲係咁好彩入得到師奶/中坑圈子而又過得好開心既,真係恭喜一聲先,因為其他人好快就會響茫茫人海之中跌入中年危機,分分鐘多到招牌跌落黎死幾十件。

大家有無諗過班風水師傅其實都幾與時並進,三十歲依個分水嶺真係畫得幾唔錯。依條線就可以推測到好多人生必經既遭遇,因為大部份人響依個歲數就會多好多顧累,好似老豆老母開始「老、病、死」。如果結得到婚又會響主流驅使之下成為樓奴,然後就總有人會因為突然覺悟:

到原來自己當年沿著主流行係會黎到今日咁撚樣

突然上進要創一番事業,又或者要裸辭去環遊世界尋找自己咁話。咁當然成功既真係屈指可數啦,之但係風水佬一定係叫你上上上上上架。佢地好清楚人生都可以簡化做幾個時期,講乜一定無死,所以用統計學分析得到佢地做乜真係不足為奇。

話說主題唔係風水佬,係揀興趣。點解會講講下講到成世人流流長咁?

因為興趣就係陪住你成世既野,佢根本就係你自己既一部份。
嚐好梗係做得無乜唔開心又最開心既野啦,咁仲唔係做到最想做既自己?當然你鐘意自己好多好開心既野而比人睇落係一個仆街都已經係你最想做既野,我係阻你唔到而唔會阻你既,除非你搞到我好唔開心啦哈哈哈哈哈哈哈哈哈哈。
我個人就好無聊,又無女又無剩,極其量就係用依到寫下廢話,睇完哲學、社會學扮下書卷氣文青,再唔係落街場踢下波,興趣唔多,但已經夠哂我忙,夠哂我做我自己,完全無時間溝女。(收皮啦你只係一條無女既毒撚,野都無得你扑)
無端端依年到依樣野做乜咁感慨呢原因有二。
一、就黎畢業先發現個世界行得好撚快。你唔會再有時間好似響大學咁用大量時間睇Facebook,去接觸新事物。第時入左任何一行專業野,真係會連隔離果行做乜都未必知,港女三金句「真係架?好叻啊?點解既?」第時就會響你把口到係咁流出黎,街頭流到街尾。再加上交水電、稅單、老豆張保險、老母入院張帳單,擔起頭家你就唔會再有咁多時間做當年你覺得係「正經事」既「無聊野」。
二、響比利時同黑鬼踢街場。我自出娘胎我係從來未比人咁扭過(係你廢無機會遇到真勁人)。作為一個幾有防守1-on-1經驗同技術既後衛,二十次比人過足二十次,但我果刻真係好興奮。離開之後,我有幾秒係完完全全咁成為左一隻波牛,果下先發現對於我黎講完成自我其實唔難,覺得人生真係踢得到波我就夠架啦
完全專注一樣興趣、一個偶像、一門技術、一個家庭,而奮不顧身既人,全部都係腦殘粉絲。無論佢果樣野投資完有無人會欣賞都好,係唔係社會主流都好,佢都完完全全係腦殘粉絲。我唔係要為依班人既腦殘行為辯護,而係佢地可以透過依種行為響咁多選擇、障礙既人生中得到快樂,都真係過得幾好。可能係我唔抵得啦,我都一定係要屌尻佢地~
P.S. 嗯,我又浪費哂時間打篇咁既文,證明我都算係一個腦殘粉絲,我依家既人生都過得幾好,根本唔需要有女。(番去寫Paper啦柒毒)
廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s